ENTAMAMOS: CP MANUEL MARTÍNEZ BLANCO (XIXÓN)

 ¡Cursu nuevu cole nuevu!

FINAMOS: CRA LES MARIÑES (VILLAVICIOSA)

Munches gracies por too a compañeres/os y escolines/os. ¡Puxa la escuela rural y puxa'l CRA Les Mariñes siempre!

CANCIU: EL PATIU (AL SON DEL CANTAR VOL.II)

Cultura edita un álbum colos cantares ganadores del concursu escolar Al son del cantar, interpretaos por músicos asturianos. Los temes van presentase nuna gala en Corvera esta tarde que se va grabar y emitir depués en TPA L’álbum incluye 12 canciones que l’alumnáu de llingua asturiana y eonaviegu compunxo pal concursu El CD va repartise a los centros escolares y va tar disponible en plataformes dixitales como Youtube y Spotify El concursu escolar Al son del cantar remata esti cursu cola edición pola Conseyería de Cultura, Política Llingüística y Deporte del CD Al son del cantar, vol II. Esti certame, basáu nun proyectu d’innovación educativa pal alumnáu de llingua asturiana y d’eonaviegu del últimu ciclu de Primaria y de 1.u y 2.u de Secundaria, afiánzase cola celebración de la so tercer edición esti añu.Esta iniciativa entámenla les conseyeríes de Cultura, Política Llingüística y Deporte y d’Educación, y los Servicios de Normalización Llingüística, y trátase d’una propuesta de trabayu interdisciplinar, centrada nes árees de Llingua Asturiana o Eonaviegu y Música, pa fomentar la creatividá musical y lliteraria ente l’alumnáu cola mira de xenerar obres nueves de calidá.

Los cantares ganadores nel cursu 2024-2025 escoyéronse d’ente un total de 37 que se presentaron al concursu por parte de centros educativos de Cangas del Narcea, Ḷḷena, Castrillón, Carreño, Gozón, Nava, Grau, Villaviciosa y Cuaña. Depués, la organización del concursu contactó con profesionales de la música de tolos estilos, que reinterpretaron el tema infantil d’alcuerdu al so estilu particular.

El resultáu ye un CD de 12 canciones con soníos variaos que van dende’l pop indie al reggae, pasando pel rock y la música d’inspiración tradicional y ente los temes incluyíos ta, El patiu, del CRA Les Mariñes (Villaviciosa), interpretáu pol grupu de rock experimental Melandru..

El ramu al proyectu va ponese na gala de presentación del CD, que se va facer en Corvera esta tarde a les 16.30 hores, onde van participar ocho de los grupos musicales participantes y tamién l’alumnáu ganador de cada conceyu. La gala va grabala la Televisión del Principáu d’Asturies pa depués emitila. 

Amás de la distribución del CD a centros educativos públicos d’Asturies, el so conteníu va tar disponible online al traviés de les plataformes Youtube, Spotify, Amazon Music, Tidal, Apple Music, Soundcloud, Deezer y iTunes, onde tamién tán disponibles los trabayos correspondientes a les ediciones anteriores del concursu: El mio cantar (2019) y Al son del cantar (2022).

 

CONCIERTU: ALICIA ÁLVAREZ Y DAVID VARELA

¡Qué suerte tuvimos los escolinos y escolines de Llingua Asturiana del CRA Les Mariñes de poder ver a estes dos estrelles de la música asturiana nel Teatru Riera de Villaviciosa! ¡Col tiempu vais a da-y más valor ya veréis!

TRADICIÓN: L'ANTROXU

 ANTROXU MITOLÓXICU C.R.A LES MARIÑES: BUSCA SEMEYES DE LOS PERSONAXES Y ESCUEYI'L QUE MÁS TE PRESTE

 

      

Amás de: El Sumiciu. La Guaxa, La Güestia, L'home'l sacu... 

                       

TRADICIÓN: L'AMAGÜESTU

Esti cursu amás de les castañes y la sidra'l duernu, pasámoslo perbién colos xuegos tradicionales que nos traxeron el llar animación.

    

ENTAMAMOS: C.R.A. LES MARIÑES (VILLAVICIOSA)

Amandi-San Pedru Ambás-Argüeru-Arnin-Arroes-Bedriñana-Breceña-Camoca-Candanal-Carda-Careñes-Castiellu-Cazanes-Celada-Coru-El Bustiu-Fuentes-Grases-La Llera-La Madalena-Llugás-Miravalles-Niévares-Oles-Pion-Priesca-Pueyes-Quintes-Quintueles-Rales-Rozaes-Samartin del Mar-Samartín de Vallés-San Justo/San Xusto-Seloriu-Santa Eugenia/Santoxenia-Tazones-Tornón-Valdebárcena-Villaverde-Villaviciosa(La Villa)

TRADICIÓN: LA GANADERÍA

Nun ye too la escuela. Hai que siguir dando puxu a les nueses tradicciones,respetales, cuidales y apoyales. Amás de ser parte del pasáu, presente y futuru d'Asturies xunto pa con elles va dafechu la nuesa llingua asturiana. Gracies Enol por caltener la tradicción y polo que te presta facelo, yes un exemplu pa toos. 

Semeyes feches nel concursu de manexaores AGROPEC 2024

¡BONES VACACIONES RECIELLA!

FINAMOS: C.P. LA VALLINA (LLUANCO)

Munches gracies a los escolinos y escolines de tolos cursos del C.P La Vallina de Lluanco polo que vos presta la Llingua Asturiana y pol enfotu con que trabayastis. Prestóme a esgaya ser el vuestru mayestru esti cursu y espero vevos seguir medrando'l cursu qu'entra, agora toca desconectar dafechu del colexu. Un abrazu pergrande a toes y a toos. ¡Puxa La Vallina!

ARTEFAUTU DIXITAL: DOBLAXE

Productos finales del proyeutu les abeyes fechu polos escolinos de terceru de primaria del colexu La Vallina de Lluanco.

SELMANA DE LES LLETRES ASTURIANES: CONCEYU BABLE

 

Conceyu Bable ye'l protagonista de la XLV Selmana de les Lletres Asturianes al cumplise los 50 años de la primera apaición pública d’esta organización que glayaba pola defensa de la llingua asturiana como un bien cultural y pola so presencia nos medios de comunicación y na escuela. En payares de 1974, la revista Asturies Selmanal entamaba a espublizar  una seición baxo’l nome de «Conceyu Bable» y neses páxines ta la semiente d’un llabor de dinamización social que foi muncho más allá de la reivindicación llingüística. L’autonomía y los símbolos que la identifiquen como la bandera o l’himnu, les estayes de la música asturiana como la gaita asturiana, l’asturianada o'l cantar d’autor, el deporte tradicional y ta'l  quesu o la sidra… garraron más puxu por mor de la xente de Conceyu Bable. Pero la so gran contribución foi poner en valor a la llingua asturiana como un elementu patrimonial llogrando  xenerar al so rodiu una nueva identidá social, llegando dafechu la so campaña pol «Bable nes escueles» a tolos requexos d’Asturies. Al dedicar esta Selmana de les Lletres del 2024 a Conceyu Bable, reivindícase' puxu de la comuña como'l d'esta asociación a la que tántu-y debemos tolos asturianos.¡Gracies Conceyu Bable por too y por tantu!

CINE: FESTIVAL INTERNACIONAL DE CINE DE XIXÓN

Asistimos al Festival Internacional de Cine de Xixón pa ver Tony, Shelly y la llinterna máxica con doblaxe en direutu y sotítulos na nuesa llingua.  

Tony ye un nenu mui especial, la lluz del so llar. Tan especial, que los pas nun lu dexennin salir nin tener amigos. Pero hai vegaes que'l remediu ye peor que la enfermedá. Cola llegada al edificiu de Shelly y la so llinterna máxica, va tener daquién con quien xugar, pero’l llugar onde vive ye tamién mui especial y una fuercia escura amenaza con apoderase de too y de toos, si la lluz de Tony nun ye quien a camudalo. Una fábula d’animación en stop-motion enllena de misteriu, fantasía y humor.

TRADICIÓN: L'AMAGÜESTU

Esti cursu amás de les castañes y la sidra'l duernu tocó xugar colos xuegos tradicionales que nos traxeron 6 Conceyos 

 Ver más semeyes

TRADICIÓN: EL BAILLE

Necesítase xente mozo pa siguir con tradiciones y señes d’identidá cultural tan asturianes como’l baille. Dende la escuela atendemos a esta tresmisión cultural cooperando en comuña con otros miembros de la comunidá y conectando les sos conociencies y habilidaes coles nueses necesidaes, lo que se llama una metodoloxía de deprendizaxe serviciu. Nesti sen, miembros del Grupu Danzas de Lluanco, punxéronse a la nuestra disposición y ofreciéronmos un taller gratuitu de baille tradicional asturianu mui prestosu y del que tamos mui agradecios. Milenta gracies a la nuesa escolina, a so ma y a la mayestra del grupu por averase ta la nuesa escuela de manera desinteresada y tresmitinos un migayín de los sos conocimientos.            Yá sabéis, si vos prestó y queréis siguir baillando, apuntáivos al grupu…¡Toos en movimientu!

  

ESPRESIÓN ESCRITA: LA CARTA

¿Cuánto fai que nun escribis una carta? ¿Dalguna vez escribisti una? L'usu de la carta va apagándose pasu ente pasu de va poco pa equí. El puxu les nueves teunoloxíes ta finando con ella, arrequexándola y amenorgando'l so usu ta cuasi facela desapaecer, pero ella resisti. Pol so valir históricu, por tener que se parar un poco nesti mundu de prises y echar tiempu pa escribir lo que se quier espresar coles pallabres, pola emoción d'escribila y de que t'aprovezca por esperar una repuesta, y por qué non, por señardá, porque nun fai tanto que yera la manera de comunicación escrita más común ente la xente, y angüaño, de xuru qu'hai xente que nun sabe nin lo que ye, que nunca escribiera una o que fai cuantayá que nun lo fai, dende la escuela vamos facer por caltener y que nun s'escaeza esta forma tan guapa comunicase nesti sieglu XXI dafechu dixital y nel que lo queremos too darréu y entainando. Vamos dexar un poco de llau e-mails, teams y whatsapps y cartiamos con otros escolinos, con escolinos del Colexu Públicu Vega de Guceu del Valle Turón, y cunta-yos coses nuestres, de la nuesa escuela y del nuesu conceyu. 

¡Yá mos ta aproveciendo porque mos contesten!  

Y yá que tamos con cartes ¿Nun sabrás quien escribió ésta, eh? Pista: Ye asturianu, nació'l día reis y escribióla dende un castiellu de Mallorca.

ETNOGRAFÍA Y TURISMU: LOS MUSEOS

REDMEDA(RED DE MUSEOS ETNOGRÁFICOS D'ASTURIES)  

MUSEOS DE XIXÓN POZU'L SOTÓN MUSÉU MARÍTIMU