ESTO TENGO QUE LO CONOCER

L'ABECEDARIU
a-b-c-ch-d-e-f-gu-h-h.i-l-ll-l.l-m-n-ñ-o-p-qu-r/rr-s-t-u-v-x-y-z.(x-xe), (y-ye), (h. "h sopuntiada" guah.e), (l.l "che vaqueira" l.lobu, l.luna...) *Cola x escríbese xa, xe, xi, xo y xu, enxamás con una i en mediu (xabón, xelu, xoven, roxu...)

SALUDAMOS
¡Bonos díes! ¡Bones tardes! ¡Bones nueches!
¡Ta llueu!

LOS DÍES DE LA SELMANA

llunes-martes-miércoles-xueves-vienres-sábadu-domingu.

LOS MESES DEL AÑU

xineru-febreru-marzu-abril-mayu-xunu-xunetu-agostu-setiembre-ochobre-payares-avientu.

LES ESTACIONES

primavera-branu-seronda-iviernu.
*Los díes, meses y estaciones escríbense con minúscula.

NOME MASCULÍN-NOME FEMENÍN

el gatu-la gata, el perru-la perra...

SINGULAR-PLURAL NOMES MASCULINOS

el gatu-los gatos, el perru-los perros...

SINGULAR-PLURAL NOMES FEMENINOS

la gata-les gates, la perra-les perres...
SINÓNIMOS-ANTÓNIMOS-POLISÉMIQUES
Sinónimos signifiquen lo mesmo: banduyu=barriga, allegre=gayoleru...
Antónimos lo contrario: alta/baxa, llistu/tuntu, cerca/lloñe, llimpio/gocho...
Polisémiques más d'un significáu: puertu, fueya, carta...
EL PREFIXU PER-
Ye lo mismo que mui: mui bien ye perbién. Tamién ye: permal, perguapa, perfeu...
LA LL- INICIAL
lluna, llobu, lleer, llápiz, llargu, llunes, llibru, lleña, llocu, llei ...
LA F- INICIAL
fartucu, formiga, furacu, fumu, fabes, falar, faya, felechu...

PRESENTE Y PASÁU DEL VERBU SER

Presente: Yo soi, tú yes, él/ella ye, nosotros/nosotres somos, vosotros/vosotres sois y ellos/elles son.

Pasáu: Yo yera, tú yeres, él/ella yera, nosotros/nosotres yéremos, vosotros/vosotres yéreis y ellos/elles yeren.

*P'alcordase: "Ye ye con ye".

LA –i FINAL

soi, voi, toi, cai, mui, güei, dai, fai, rei…
LA -á FINAL
amistá, felicidá, llibertá, oficialidá...

CONTRACIÓN EN + EL/LA/LO/LOS/LES = NEL/NA/NO/NOS/NES
Toi nel colexu. Los neños tan na cai. Naló no más fondo. Nos iviernos xela. La xente ta nes ventanes.

CONTRACIONES CON+ EL/LA/LO/LOS/LES= COL/COLA/COLOS/ COLES

El neñu ta col pá. Mancóse cola pelota. Fízolo colo primero que pilló. Pásolo perbién colos collacios. Gárralo bien coles manes.

CONTRACIÓN EN+ESTI/ESI/AQUEL

Nesti, nesta, nesto, nestos, nestes.

Nesi, nesa, neso, nesos, neses.

Naquel, naquella, naquello, naquellos, naquelles.
CONTRACIÓNTOU+EL=TOL/TOA+LA=TOLA/ TOO+LO=TOLO/TOOS+LOS=TOLOS/ TOES+LES=TOLES
Ta tol día xugando. Nun durmió en tola nueche. Gastó tolo que tenía. Estudia tolos díes. Toles primaveres llueve.
CONTRACIÓN DE PER=PEL/PELA/PELO/PELOS/PELES
Pel iviernu, pel branu, pel camín, pela carretera, pela viesca, pelo malo, pelo moyao, pelos iviernos, pelos ríos, peles cais, peles primaveres...
CONTRACIÓN DE POR=POL/POLA/POLO/POLOS/POLES
Pol so hermanu, pola llei, pola so culpa, polo que dixo, polos modos, poles perres...
CONTRACIÓN A+EL=AL DE+EL=DEL SO+EL=SOL PA+EL=PAL
Foi al colexu. Ye del Sporting. Ta sol bancu. Ye pal collaciu.

LA DIÉRESIS

Güei, güevu, güertu, güeyu, magüestu, güelu, güesu…
LOS POSESIVOS
el/la mio, to, so, nuestru/a, vuestru/a, so.
NON Y NUN
Non emplégase cuando va solo.
Nun cuando va al llau d'una forma verbal.
*¿Ficisti los deberes? Non/Non, nun los fice.

PREPOSICIONES
a, ante, baxo, cabo-co, con, contra, de, dende, en ente, fasta-hasta, hacia, pa, per, por, según, sin-ensin, so-sobre-sobro, tres.
EL PRONOME -Y -YOS
Díxo-y , díxo-yos, nun-y lo dixo, nun-yos lo dixo, díxo-ylo, díxo-yoslo...
CONCORDANCIA AXETIVOS NEUTROS QUE FINEN EN -O CON NOMES NON CUNTABLES
fumu prieto, agua claro, pelo roxo, sal gordo, lleche frío, xente vieyo, ropa moyao...
*pelu, filu y fierru (ye solo una unidá y ye cuntable: pelu prietu, filu finu, fierru oxidáu) y pelo, filo y fierro(ye tol conxuntu o la materia y ye non cuntable: pelo prieto, filo fino, fierro oxidao)
ALVERBIOS Y LOCUCIONES ALVERBIALES
De llugar: dientro, embaxo, enriba, lloñe, allalantrón, perriba, perbaxo, ehí...
De tiempu: agora, anueche, ayeri, ceo, dempués, güei, llueu, cuantayá, en cuantes que...
De mou: asina, dafechu(del too), darréu (de siguio), davezu (de costume), meyor...
De cantidá: abondo, a esgaya, mui...
D'afirmación: de xuru, dende llueu, ensin dulda...
De negación: non, nun, enxamas, tampoco...
De dulda: pémeque, quiciabes, a lo meyor, igual...
APOSTROFACIÓN (')
L'apostrofu ye una comina alta(' nel teclau ta onde'l signu de cerrar entruga) . N'asturianu apostrofen: en - la - de - el - pa - que - me - te - se n' - l' - d' - l'/'l - p' - qu' - m' - t' - s'
EN: apostrofa y ponse n' cuando la siguiente pallabra entama por vocal o h+vocal: n'Asturies...
LA: apostrofa y ponse l' cuando la siguiente pallabra entama por a o h+a: l'ablana...
DE: apostrofa y ponse d' cuando la siguiente pallabra entama por vocal o h+vocal: d'hermanos, d'Avilés...
EL: apostrofa y ponse l' cuando la siguiente pallabra entama por vocal o h+vocal: l'home, l'árbol... pero tamién cuando la pallabra anterior fina por vocal y la siguiente nun entama por una vocal apostrofa asina 'l: enteróse'l vecín. Si coinciden los dos casos apostrofa siempre l': enteróse l'home.
PA: apostrofa y ponse p' cuando la siguiente pallabra entama por a o h+a: p'animalu, p'Asturies...
QUE: apostrofa y ponse qu' cuando la siguiente pallabra entama por vocal o h+vocal: qu'ayer, qu'esperes...
ME: apostrofa y ponse m' cuando la siguiente pallabra entama por vocal o h+vocal: m'esperes...
TE:apostrofa y ponse n' cuando la siguiente pallabra entama por vocal o h+vocal: t'ates...
SE: apostrofa y ponse n' cuando la siguiente pallabra entama por vocal o h+vocal: s'enfrie...
*Si lo dices too siguio alcuérdaste de xuru de les partícules qu'apostrofen: en la de el pa que me te se

MITOLOXÍA: EL DIAÑU BURLLÓN

Ye un ser pequeñucu y bromista, que-y presta burllase y engañar a la xente pero ensin males intenciones. Ye más bien nuecherniegu. Pue camudar la so apariencia a un neñu pequeñu, un cabritu o un burru.

PALLABRERU

colexu, dibuxu, cai, muyeres, la paxa, naranxa, colloráu, mariellu, roxu, xuegu, xugar, xuguete, mayestru, escolín, fueya, el neñu ye roxu, cascayu, güeyu, oreya, trabayar, perbién, permal, el Trasgu, el Nuberu, Xana, Busgosu, Cuélebre, Diañu, furacu, préstame, magüestu, antroxu, pá, ma, güelu, güela, ñariz, banduyu, almuerzu, xinta, xabón, cascoxu, xaronca, ñube, xente, gochu, xabalín, esperteyu, coneyu, oveya, abeya, yerba, matapioyos, banduyu, lenteyes, panoya, pita pinta, osu, raposu, llobu, esguil, ñariz, oreyes, pá, ma, güelu, tíu, curuxa, raigañu, tueru, rames, faya, carbayu, texu, catañal, raposu, esguil, melandru, llobu, osu, picatueru, sacavera, caleya, teya, pegoyu, pexe, pixín, xarda, almexa, baxo, xiblatu, xerséi, orbayu, raya, semeya, rayu, conceyu, frixuelu, afayadizu, tayuela, conceyos, reis, pelleyu, puya, puxa, argayu, reis, ríos, montes, faros, xentilicios, horru, panera, montera picona, refaxu, xilecu,madreña, escarpín...

L'ESTATUTU D'AUTONOMÍA DEL PRINCIPÁU D'ASTURIES

La norma más importante na nuesa comunidá ye L’Estatutu d’Autonomía del Principáu d’Asturies.

Esta llei, que s’espublizó y entró en funcionamientu nel añu 1982, trata temes tan importantes como los nuesos símbolos o los nuesos derechos y deberes.

Por exemplu, el so artículu 3 diz como son la bandera, l’himnu y l’escudu del Principáu d'Asturies; y el 4 diz qu’hai que protexer la Llingua Asturiana, que se tien que promover el so usu y que tien que se difundir na enseñanza y nos medios de comunicación.

L'ACADEMIA DE LA LLINGUA ASTURIANA

L’Academia de la Llingua Asturiana (ALLA) ye una institución del Principáu d’Asturies que se creó nel añu 1980 y que tien ente'l so llabor el d'inventariar el léxicu de la llingua asturiana, investigar y formular les sos lleis gramaticales, afalar el so usu, enseñanza y espardimientu, trabayar na so estándarización y curiar polos derechos llingüísticos de la ciudadanía asturiana.

L’Academia de la Llingua Asturiana (ALLA) espublizó:

-El Diccionariu de l’Academia de Llingua Asturiana (DALLA)

-La Gramática de la Llingua Asturiana

-Les Normes Ortográfiques de la Llingua Asturiana

Dende la so creación, l’Academia de la Llingua Asturiana vien celebrando añalmente, el primer vienres del mes de mayu, El Día de les Lletres Asturianes, actu oficial públicu onde se fai homenax y vindicación de la llingua asturiana per aciu de la so manifestación lliteraria. Nél tien llugar una xunta estraordinaria de la institución cola acoyida de nuevos académicos y el discursu presidencial.

VARIANTES Y CONCEYOS D'ASTURIES

CONCEYU: XIXÓN

PARROQUIES:

BERNUECES, CABUEÑES, CALDONES, CENERO, DEVA, FANO, FRESNO, GRANDA, GÜERCES, LLAVANDERA, LLEORIO, LA PEDRERA, PORCEYO, PUAO, RUEDES, SAN ANDRÉS DE LOS TACONES, SANTURIO, SERÍN, VALDORNÓN, VEGA, VERIÑA, XIXÓN.

BARRIOS (DEL NUEDU URBANO XIXÓN): L’ARENA, LA BARQUERA, BEGOÑA, EL BIBIO, LA BRAÑA, LES CABAÑES, LOS CALEROS, LA CALZADA, LOS CAMPINOS DE BEGOÑA, LOS CAMPONES, LOS CAMPOS, CANDANAL, LES CASERÍES, LES CASES DE PINÓN, LES CASES DEL MONTE, EL CERILLERU, CIARES, CIMAVILLA, CONTRUECES, LA CORÍA, LA COROLLA, EL COTO, LA CUESTA CIARES, LA FANA, FOXANES, FUEXO, LA GUÍA, L’HUMEDAL, EL LLANO D’ABAXO, EL LLANO D’ARRIBA, EL LLANO DEL MEDIO, LLOREDA, LES MARAVILLES, MONTEVIL, LA MURIA, EL MUSEL, EL MUSELÍN, EL NATAHOYO, LA PERDIZ, LA PICOTA, LA PIPA, EL PISÓN, PUMARÍN, EL RECUESTU, LA REDONDA, EL RINCONÍN, ROCES, RUBÍN, SAN LLORIENZO, SOMIÓ, LA TORRE, TREMAÑES, VALLES, VIESQUES, XOVE, XOVE DE RIBA, XOVE DEL MEDIO, LA XUVERÍA.

EL VERBU SER

LOS PRONOMES -Y/-YOS

L'APOSTROFACIÓN

Llee con procuru l'apartáu de l'apostrofación d'arriba y alcuérdate pa siempre de: "en la de el pa que me te se" y apostrofa estes pallabres. Apostrofen toes, pero nel apartáu de me-m', te-t' y se-s' tienes qu'escoyer una que vaya bien de les tres opciones (puen valir toes).